السماق
ناس كتير سألتني ايه هو السماق واية وظيفته في الأكل وطعمة اية
السماق نوع من انواع التوابل اللي طعمها في مزازة زي مزازة الليمون فاضافتة لبعض الاكلات
زي خلطة ورق العنب و تتبيلة الدجاج والسلطة بيدي الاكل مزازة جميلة بالاضافة لانه مضاد للاكسدة فلو اضفتية لبعض الاكلات اللي معرضة للتأكسد فالسماق بيحافظ عليها وبيأخر من تاكسدها
ده غير انة بيدي لون جميل جدا للاكل سواء المشويات او السلطات او خلطة المحشي
اسوء شيء ممكن تقابلوة لما تشتروا السماق انة بكل اسف في منة حاليا كتير مغشوش ولكن سهل اننا نقدر نفرق بين الاصلي والمغشوش .
السماق الأصلي لونة نبيتي غامق زي الرمان عكس المغشوش
السماق الاصلي المزااازة فيه عاليه عن المغشوش وريحتة شبيهة نوعا ما بالكركديه عكس المغشوش مالوش ريحة ولا مزازة .
السماق الاصلي فية حبيبات تشبة البذور وخشن عكس المغشوش بيكون بودرة ناعمة او يشبة النخالة
السماق الاصلي لو ضيفتي علية شوية ماية في طبق عمرة ماينزل لون ابدا عكس المغشوش هتلاقية نزل في المية كل اللون والصبغة اللي فية.
